सुट्ट्या आणि कृषी व ग्रामीण पर्यटन

 Holiday in agri and rural tourism       

सुट्ट्या आणि कृषी व ग्रामीण पर्यटन

सध्याच्या धावपळ, तणावपूर्ण आणि धकाधकीच्या जीवनशैलीत निवांतपणा गरजेचा झाला आहे. कामाचा ताण-तणाव, शहरातील हवा-ध्वनी प्रदूषण यामुळे शहरात राहणाऱ्या लोकांना या शहरीकरणाचा आणि शहरी जीवनाचा कंटाळा येतो. प्रत्येक विक्केन्डला मॉलमध्ये  फिरणे, खाणे, चित्रपट पाहणे, शहरातील बागेत फिरणे, मित्र-परिवारांच्या घरी जाणे या पलीकडे आपण जास्त काही विचार  करत नाही आणि त्यासाठी वेळ पण मिळत नाही. पण तेच ते किती दिवस करणार असाही प्रश्न कधी तरी पडतो. सुटयांमध्ये कुठेही गेले तर एक-दोन दिवसात परत येणे. पुन्हा तेच ते शहरीकरणातील वातावरणात राहणं, खाणं, फिरणं, गप्पा-गोष्टी करणे हे आलंच. यातून ना पर्यटन होते ना अनुभव येतो.  त्यामुळे आठवड्याची सुट्टी शहरापासून दूर निवांत ठिकाणी घालविण्यावर भर दिला पाहिजे.